पुष्पकमल दाहाल स्वास्थ्य समस्याका कारण रास्वपाले बोलाएको सर्वदलीय बैठकमा सहभागी नहुने भएका छन्। निमोनियाबाट हालै निको भएका प्रचण्डले आरामका लागि घरमै बस्ने निर्णय गरेका हुन्।

उनको स्थानमा माधव कुमार नेपाल र वर्षमान पुन बैठकमा सहभागी हुनेछन्। यस्तै, गगन थापा पनि बैठकमा नजाने भएका छन्। रास्वपा सभापति रवि लामिछानेले समसामयिक राजनीतिक विषयमा छलफलका लागि सर्वदलीय बैठक आह्वान गरेका हुन्।