नेपाली बजारमा आज (शुक्रबार) सुनको मूल्यमा वृद्धि भएको छ। नेपाल सुनचाँदी व्यवसायी महासंघले सार्वजनिक गरेको नयाँ दरभाउ अनुसार आज सुनको मूल्य तोलामा ३ हजार ४ सय रुपैयाँले बढेको हो। महासंघका अनुसार छापावाल सुनको मूल्य प्रतितोला २ लाख ९६ हजार १०० रुपैयाँ तोकिएको छ। हिजो बिहीबार सुन प्रतितोला २ लाख ९२ हजार ७०० रुपैयाँमा कारोबार भएको थियो । त्यस्तै, आज १० ग्राम सुनको मूल्य २ लाख ५३ हजार ८६० रुपैयाँ कायम गरिएको छ।

सुनसँगै आज चाँदीको मूल्यमा पनि वृद्धि देखिएको छ। महासंघका अनुसार चाँदी आज प्रतितोला १३५ रुपैयाँले बढेर ४ हजार ९४५ रुपैयाँ पुगेको छ। हिजो चाँदी प्रतितोला ४ हजार ८१० रुपैयाँमा कारोबार भएको थियो। आज १० ग्राम चाँदीको मूल्य ४ हजार २४० रुपैयाँ रहेको छ। अन्तर्राष्ट्रिय बजारमा हुने उतारचढावका कारण स्थानीय बजारमा पनि सुनचाँदीको मूल्य प्रभावित भएको महासंघले जनाएको छ।