(काठमाडौं) नेकपा नेतृ अष्टलक्ष्मी शाक्यले प्रधानमन्त्री केपी ओली निरंकुश शासक बनेको आरोप लगाएकी छन् । नेपाल कम्युनिस्ट पार्टी (नेकपा) प्रचण्ड–नेपाल समूहले राजधानीमा गरेको सभालाई सम्बोधन गर्दै उनले यस्तो बताएकी हुन् । 

उनले ओलीको निरंकुश शासन लामो समय नटिक्ने बताएकी छन् । उनले ठूलाठूला शासक जनताको आन्दोलनबाट सत्ताबाट बाहिरिएको भन्दै ओलीको निरंकुश शासन नटिक्ने बताइन् । 

‘आज फेरि एक पटक गणतन्त्रमाथि कमरेड केपी ओलीले नै धावा बोलेका छन् । संविधानमाथि धावा बोलेका छन् । संघीय गणतन्त्रमाथि धावा बोलेका छन्’, नेतृ शाक्यले भनिन्, ‘जनताको शक्तिको सामू राजतन्त्रको व्यवस्थाले सकेन भने केपी ओलीले पनि सक्दैनन् ।  जबसम्म संसद सुचारु हुँदैन तबसम्म संघीय गणतन्त्र सुदृढ हुन सक्दैन । केपी ओली कमरेड बन्नु भएन निरंकुश शासक बन्नुभयो ।’  

उनले ओली स्वेच्छाचारी शासक बनेको र त्यो लामो समय नटिक्ने प्रष्ट पारिन् । शाक्यले ओलीले जनतामाथि धावा बोलेपछि आन्दोलन गर्नु परेको प्रष्ट पारेकी छन् ।