(चितवन) प्रधानमन्त्री केपी शर्मा ओली पक्षले शनिबार चितवनको नेकपा पार्टी कार्यालय कब्जा गरेको छ । भरतपुर महानगरपालिकामा रहेकाे कार्यालय ओली पक्षले कब्जामा लिएको हो । नेकपा गठन हुँदा चितवन अध्यक्ष तत्कालीन माओवादीकाे भागमा परेको थियो भने एमालेले सचिव पद पाएको थियो ।

ओली पक्ष नेकपा कार्यकताकाे उपस्थितीमा पार्टी कार्यालय कब्जामा लिएको युवा नेता केदार अाचार्यले जानकारी दिए । तत्कालीन एमालेले रगत पसिना बगाएर बनाएको पार्टी कार्यालयमा अन्यलाइ घूसपैठ हुन नदिने अाचार्यकाे भनाइ छ ।

ओली पक्ष युवा संघ र अनेरास्ववियूको आयोजनामा ‘वर्तमान परिस्थितीको निकास ताजा जनादेश’ भन्दै नेत पार्टी कार्यालय बन्द गरिएको अाचार्यकाे भनाइ छ ।

आफ्नो पार्टी कार्यालय आफूले लिँदा प्रचण्ड–माधव पक्षलाई उक्त कार्यलायमा निषेध गर्ने चेतावनी दिए । उक्त कार्यक्रम भरतपुर महानगर नेकपाका अध्यक्ष राम प्रसाद न्याैपानेकाे उपस्थितिमा तालाबन्दी गर्दै कार्यकर्ताले नारावाजी समेत गरेका थिए । पार्टी कार्यलयमा अहिले बाक्लाे शङख्यामा नेपाल प्रहरी परिचालन गरिएकाे छ । चितवन प्रचण्डको गृह जिल्ला भएका कारणले पनि सुरक्षाकाे सबालमा प्रहरी चनाखाे बनेकाे देखिन्छ ।