नागरिक समाजका अगुवाहरूले प्रतिनिधिसभा विघटन असंवैधानिक भन्दै माइतीघर मण्डलामा विरोध प्रदर्शन गरेका छन्।

प्रदर्शनमा सहभागीहरूले शंख बजाएर विरोध गरेका छन्। ‘प्रतिगमनविरुद्ध बृहत नागरिक आन्दोलन’ लेखिएको ब्यानरसहित सहभागीहरूले शंख बजाउँदै संसद विघटनको विरोध गरेका हुन्।

नेपालको संविधानमाथि प्रहार भएकोले विरोध प्रदर्शन गर्नु परेको नागरिक आन्दोलनमा सहभागी अधिकारकर्मीहरूले बताएका छन्।

सरकारले संसद विघटन गरेर देशलाई प्रतिगमनतर्फ लगेको भन्दै सरकारको यो कदम संसद विघटन मात्रै नभई संविधानमाथिकै आक्रमण भएको उनीहरूको भनाइ छ। 
प्रदर्शनमा सहभागी नागरिक अधिकारकर्मीहरूले संविधानभित्रैबाट अहिलेको समस्याको समाधान खोज्नुपर्ने बताएका छन्।