काठमाडौं, असार १ – आगामी आर्थिक वर्षका लागि काठमाडौँ महानगरपालिका को नीति तथा कार्यक्रम सर्वसम्मत रूपमा पारित भएको छ।

सोमबार बसेको नगर सभाको १९ औँ अधिवेशनले महानगरको नीति तथा कार्यक्रम सर्वसम्मत रूपमा स्वीकृत गरेको हो।

यसअघि आइतबार बसेको नगर सभाको बैठकमा कार्यवाहक प्रमुख Sunita Dangol ले ११ क्षेत्र समेटिएको १०१ बुँदे नीति तथा कार्यक्रम प्रस्तुत गरेकी थिइन्।

आगामी आर्थिक वर्षको बजेट तथा कार्यक्रम तर्जुमा गर्दा काठमाडौँको ऐतिहासिकता, सांस्कृतिक सम्पदा, भौतिक विकास तथा आधुनिक सहरी सभ्यतालाई आधार मानिने नीति तथा कार्यक्रममा उल्लेख गरिएको छ।

नीति तथा कार्यक्रम संशोधनसहित स्वीकृत भएको घोषणा गर्दै डंगोलले आगामी बजेट असार ४ गते प्रस्तुत गरिने जानकारी दिएकी छन्।

महानगरको यस वर्षको नीति तथा कार्यक्रममा सुशासन तथा शासकीय व्यवस्था, शिक्षा, युवा तथा खेलकुद, सुलभ स्वास्थ्य सेवा, वातावरण तथा सरसफाइ, राजस्व परिचालन, पूर्वाधार तथा सहरी विकास तथा सम्पदा, संस्कृति र पर्यटनलाई प्राथमिकतामा राखिएको छ।