भक्तपुरको मनोहरा क्षेत्रमा भने भोलि आइतबारदेखि डोजर लगाएर बस्ती खाली गराउने तयारी भइरहेको छ ।  जिल्ला प्रहरी परिसर भक्तपुरका प्रहरी उपरीक्षक सूर्यबहादुर खड्काका अनुसार मनोहरा क्षेत्रको नदी किनारामा संरचना बनाएर बस्नेमध्ये करिब ८० प्रतिशत बासिन्दाले आफ्नो सामानसहित बस्ती छाडिसकेका छन् । बाँकी रहेका परिवारले पनि आफ्ना सामान ओसार्ने कार्य जारी राखेका छन् ।

यो बस्तीमा ७७७ घरटहरामा करिब एक हजार ६०० भन्दा बढी मानिस बसोबास गर्दै आएका थिए । भक्तपुरको मनोहरा क्षेत्रमा हालसम्म सरकारले डोजर चलाएको छैन । तर बासिन्दाहरूले सामान ओसार्ने कार्य जारी राखेकाले अधिकांश घरटहरा खाली भइसकेका छन् । भोलि आइतबारदेखि भने यस क्षेत्रमा डोजर लगाएर बस्ती पूर्ण रूपमा खाली गराउने सरकारको तयारी रहेको प्रहरी उपरीक्षक खड्काले जानकारी दिए ।