गोकर्णेश्वर नगरपालिकाद्वारा सञ्चालन गरिएको उद्यमशीलता तालिम अन्तर्रगत  एक महिने फोटोग्राफी भिडीयोग्राफी तालिम आज सोमबार सम्पन्न गरेको छ । गोकर्णेश्वर नगरपालीका भित्रका बेरोजगारी समस्याको सनाधान गर्न तथा आत्मनिर्भर बनाउने उद्देश्यले सञ्चालन गरिएको  तालिमको समापन कार्यक्रम बबिता लामा राजभण्डारीको संयोजतामा भएको हो । 

गोकर्णेश्वर नगरपालिकाको सभाहलमा आयोजना गरिइको  उक्त कार्यक्रमको प्रमुख  अथितीमा गोकर्णेश्वर नगरपालीकाका मेयर दिपक रिसाल रहेका थिए । त्यसैगरी  बिशेष अथितीमा गोकर्णेश्वर नगरपालीकाकी उपमेयर शाङ्नानी  लामा र  प्रशाशकीय अधिकृत वैकुण्ठ प्रसाद सापकोटा रहेका थिए । 

युवाहरुलाई बिदेश पलायन हुनबाट रोक्ने उद्देश्यले उक्त तालिमको आयोजना गरिएको मेयर रिसालले बताए । कार्यक्रमको अन्त्यमा प्रसिक्षार्थी तथा प्रसिक्षकलाई  बिशेष अथिती रिसालले प्रमाणपत्र वितरण गरेका थिए भने कार्यक्रमको सञ्चालन निराजन श्रेष्ठले गरेका थिए ।