फागुनको तेस्रो सातादेखि बढ्न थालेको संक्रमितको दरले पछिल्लो समय पुनः भयलाग्दो अवस्था सिर्जना गर्न थालेको छ । पछिल्लो २४ घण्टामा १ सय ६ जनामा संक्रमण पुष्टि हुँदा एक संक्रमितको मृत्यु भएको हो । यस अघि गत पुष २३ गते एक संक्रमितको मृत्यु भएको थियो ।        
             
स्वास्थ्य तथा जनसंख्या मन्त्रालयका अनुसार मंगलबार ४७६ पीसीआर र १ हजार ९६० एन्टिजेन गरी कुल २ हजार ४ सय ३६ जनाको परीक्षण गर्दा १ सय ६ जनामा संक्रमणको पुष्टि भएको हो । योसंगै नेपालमा सक्रिय संक्रमितको संख्या ४ सय ६९ पुगेको छ । 

यसअघि सोमबार १२४ जनामा र आइतबार ५५ जनामा संक्रमण पुष्टि भएको थियो । छिमेकी मुलुक भारतमा कोरोना संक्रमितको दर हरेक दिन उल्लेख्य मात्रामा बढ्न थालेपछि सीमा क्षेत्रबाट हुने आवतजावतले पनि नेपालमा कोरोना संक्रमितको दर बढ्दै गएको देखिन्छ ।