मंगलसेन नगरपालिका–३, अछामका कमनसिंह बोगटी २७ फागुन २०७८ को दिन बिहान साढे ८ बजे सधैँझैँ सेतोपुलबाट बानेश्वरस्थित जिम सेन्टर जाँदै थिए ।करिडोरको बाटो हुँदै आएका उनको मोटरसाइकलको गति बानेश्वर हाइटको उकालो लाग्दा कम भयो, त्यहीबेला पछाडिबाट मोटरसाइकलमा आएकाले उनलाई खुकुरी हानी हाले ।

‘मैले के भइरहेको छ भन्ने नै भेउ पाइन,’ बोगटी भन्छन्, ‘स्पीड ब्रेकर छ, उकालोमा मोटरसाइकल स्लो भयो । पछाडि दुईवटा मोटरसाइकल र स्कुटर आइरहेको याद छ ।’ त्यही मोटरसाइकल र स्कुलमा आएको समूहले उनलाई खुकुरी प्रहार गरेको उनको भनाइ छ ।

बोगटी लडेपछि उनीहरु त्यहाँबाट निस्किए, एकजनाले उनलाई उद्धार गरेर सिभिल अस्पताल पुर्‍याए । आक्रमणबाट ढाड, हात र खुट्टामा गहिरो चोट लागेकाले उनले ४४ वटा टाँका लगाउनु पर्‍यो ।