काठमाडौँ । महानगरीय प्रहरी वृत्त कालीमाटीले म्याद गुज्रेको सामानमा पुनः नयाँ मिति राखेर बेच्ने ए.एस.टी. प्रा.लि.को गोदाममा छापा मारेको छ ।

कालीमाटी प्रहरीले कलंकीको एक घरमा राखिएको २ एम कोका चकलेट, केकमा राख्ने चेरी, पिठो, तेललगायतको गोदाममा आइतबार छापा मारेको हो ।

६ तलाको उक्त घरमा ठूलो मात्रामा चकलेट, केकमा राख्ने चेरी, पिठोलगायतमा नयाँ मिति सच्याएर रिलेबलिङ गरी बेच्न गरेको सूचनाको आधारमा छामा मारिएको वृत्तका प्रहरी नायब उपरीक्षक अपिलराज बोहराले जानकारी दिए ।

भारत  समस्तिपुर विहारका वर्ष ५२ का सञ्चालक अनिल कुमार बंका, आन्नद कुमार अवस्थी,  प्रविण बंका र सुमित अग्रवाल पक्राउ परेका समेत डीएसपी बोहराले जानकारी दिए ।

यसअघि बिहीबार पनि म्याद सकिएका सामानमा नयाँ मिति राख्ने गरेको ३ वटा विशाल ग्रुपको गोदाममा महानगरीय प्रहरी अपराध महाशाखाको टोलीले छापा हानेको थियो ।