काठमाडौं । बितेको २४ घण्टामा काठमाडौंमा सबैभन्दा धेरै ६०९ जनामा कोरोनाभाइरस संक्रमण पुष्टि भएको छ।  स्वास्थ्य तथा जनसंख्या मन्त्रालयका अनुसार त्यसपछि चितवनमा १३७ जनामा संक्रमण पुष्टि भएको छ । 
यस्तै मोरङमा ७३, भक्तपुरमा ५१, ललितपुरमा ९५ जनामा संक्रमण पुष्टि भएको छ ।  

मन्त्रालयको तथ्यांकअनुसार काठमाडौं उपत्यकामा मात्रै ७५५ जनामा संक्रमण पुष्टि भएको छ । मन्त्रालयको विवरणअनुसार बितेको २४ घण्टामा देशभर १४९७ जनामा संक्रमण पुष्टि भएको छ भने यससँगै देशभर हालसम्मको कुल संक्रमित संख्या ६९ हजार ३०१ पुगेको मन्त्रालयका प्रवक्ता डा जागेश्वर गौतमले जानकारी दिए । यस्तै हालसम्म ५० हजार ४११ जना डिस्चार्ज हुँदा क्वारेन्टिनहरुमा ६ हजार ५६५ जना रहेका छन् । 

यस्तै देशभर हाल सक्रिय संक्रमितको संख्या १८ हजार ४३७ रहेको छ । जसमा संस्थागत आइसोलेशनमा ८ हजार ६१४ जना रहेका छन् भने होम आइसोलेशनमा ९ हजार ८२३ जना रहेका छन् । 

साभारः रातोपाटी