भाटभटेनीको टंगाल शाखा आजदेखि २४ घण्टा खुला रहने
भाटभटेनी सुपरस्टोरको टंगाल शाखा आजदेखि चौबिसै घण्टा सञ्चालनमा आउने भएको छ ।
ग्राहकलाई जुनसुकै समयमा किनमेलको सुविधा उपलब्ध गराउने उद्देश्यले शाखा २४ घण्टा खुला राख्न लागिएको कम्पनीले जनाएको छ ।
भाटभटेनीका प्रमुख सञ्चालन अधिकृत पानु पौडेलका अनुसार यसअघि भक्तपुरको राधेराधे शाखामा पनि चौबिसघण्टे सेवा सुरु गरिएको थियो ।
जेनजी आन्दोलनका क्रममा आगजनीबाट पूर्णरूपमा क्षतिग्रस्त भएको टंगाल शाखा पुनर्निर्माणपछि गत असोज ५ गतेदेखि पुनः सञ्चालनमा आएको थियो । कम्पनीले हाल देशभर २७ वटा स्टोर सञ्चालन गर्दै आएको छ ।