सरकारले सोलुखुम्बुमा भएको मनाङ एयरको हेलिकप्टर दुर्घटना छानविनका लागि समिति गठन गर्ने निणर्य गरेको छ ।
मंगलवार सिंहदरबारमा बसेको मन्त्रिपरिषद् बैठकले मनाङ एयरको हेलिकप्टर दुर्घटनाको छानविन गर्न पर्यटन मन्त्रालयका सहसचिव बुद्धि सागर लामिछानेको नेतृत्वमा छानविन समिति गठन गरिएको सरकारका प्रवक्ता रेखा शर्माले जानकारी दिएकी हुन् ।
उनले भनिन्,‘मनाङ एयरको हेलिकप्टर दुर्घट्ना भएको छ । यस प्रति मन्त्रीपरिषद्को बैठकले मृतकहरुप्रति हार्दिक श्रद्धान्जली व्यक्त गरेको छ । र पर्यटन मन्त्रालयको सहसचिव बुद्धि सागर लामिछानेको नेतत्वमा छानविन गठन गरिएको छ ।’
त्यस्तै, बैठकले मिटरब्याजसम्बन्धी जाँचबुझ आयोगको म्याद तीन महिना थप गर्ने पनि निणर्य गरेको छ । 
बैठकले कृषि मन्त्रालयको प्रस्तावमा धानको समर्थन मूल्य मोटा धानको प्रतिक्वीन्टर ३ हजार १ सय ९८ रुपैया र मध्यम धानको प्रतिक्वीन्टर ३ हजार ३ सय ६२ रुपैया तोकिएको प्रवक्ता रेखा शर्माले जानकारी दिइन् ।