काठमाडौं । मानव अधिकार तथा शान्ति समाजलेचुरे मास्न  पाइदैँन ः पर्यावरण विरोधी नीति चाहिदैँन, हिमालय÷चुरे बचाउँ ः तराइ लाई मरुभूमिकरण  हुनबाट जोगाउँ भन्ने आह्वानसहित विभिन्न जिल्लामा वृक्षरोपण गरि विश्व वातावरण दिवस मनाएको छ । 
यस क्रममासमाजका पाल्पा, चितवन, तेह्रथुम र काठमाडौ शाखाले वृक्षरोपण गरेका छन् । यसैगरी समाजका दाङ, सुर्खेत लगायत शाखाले वृक्ष गोडमेल तथा सरसफाई कार्यक्रम गरि विश्व वातावरण दिवस मनाएका छन् ।
पछिल्लो चरणमा चुरे सिध्याउने गरि ढुंगा गिटी र बालुवा निकासीका लागि नेपाल सरकारले अवलम्वन गर्न थालेको घातक नीतिप्रति मानव अधिकार तथा शान्ति समाज गम्भीर चिन्ता व्यक्त गरेको छ । चुरेको अत्याधिक दोहन गरेर ढुंगा, गिट्टी, बालुवा निकाल्नु भनेको तराईलाई मरुभुमिकरणतर्फ धकेल्नु हो भन्दै शान्ति समाजले बाह्य दबाबमा परेर चुरे ध्वस्त पारी ढुंगा गिटी  निकासीको योजना पर्यावरणीय सन्तुलनका हिसाबले झनै आपत्तिजनक भएको बताएको छ । यस्तो आत्मघाती नीति खारेज गर्न शान्ति समाज सरकारलाई आग्रह पनि गरेको छ ।