दलका नेताले सेना र प्रहरीलाई लोकतन्त्र जिम्मा लाएर आनन्दले बसेको पूर्वमन्त्री झाँक्रिको टिप्पणी 

काठमाडौं । पूर्वशहरी विकास मन्त्री रामकुमारी झाँक्रिले, राजनीतिक दलका नेताले गणतन्त्र सेनालाई जिम्मा लगाएको आरोप लगाएकी छिन् । 
सोमबार काठमाडौंमा आयोजितनेपाली परिवेशमा लोकतन्त्रका आयाम, विषयक विचार संवाद कार्यक्रममा उनले गणतन्त्र सेनालाई जिम्मा लगाएर राजनीतिक दलले आनन्द लिएको बताएकी हुन् । 
गणतन्त्र र लोकतन्त्रका लागि रगत बगाएका दलहरुले नै गणतन्त्र मनाउन अल्छि गरेको  उनको तर्क छ । ‘ हामीले गणतन्त्र ल्याएको र मनाईदिन्छ सेना ।’ उनले भनिन् ‘गणतन्त्र सेना र प्रहरीको हातमा सुम्पिएर नेताहरु आनन्दले बसेका छन् । उनीहरु मनाउन समेत चाहादैँनन् ।’
राजनीतिक अस्थिरता र ज्यादतीपूर्ण कार्यले ठुलो संख्यामा युवाहरु बाहिरिएको उनको भनाई छ ।  उनले भनिन् ‘६२ —६३ आन्दोलनको माईबाप नै छैन् । अहिले त,सबैले सबैलाई गालि गर्ने । सबैले भएन् हैन,छैन् भन्ने । अनि भयो भनेर जिम्मा लिने को ?’ 
सडकमा टाउको फुटाएर ल्याएको परिवर्तनको संरक्षणका लागि आफूहरु तयार रहेको बताएकी उनले ‘हामी लिन्छौं । सडकमा टाउको फुटाएर परिवर्तनमा लागेका हामी हौं यसको जिम्ममा हामी लिन्छौं । यसको माईबाप हामी छौं । ’ भनिन् । 
खराब राजनीतिकै कारण आज प्राप्त उपलब्धि समेत उल्लासपूर्ण बन्न नसकेको उनको टिप्पणी छ । ‘आज एसएलसी सकिए पछि युवाहरु बाहिर जान बाध्य छन् । सरकार अस्थिर,मन्त्री फेरिने , मन्त्री नआँदा सम्म सुनसान र मन्त्री आएपछि फेरि कार्यशैली र घमण्डपूर्ण व्यवहार र ज्यादतीले आज हामी यो दिनलाई हर्षोउल्लास सहित मनाईरहेका छैनौं ।’