मध्यपहाडी राजमार्गको चगत्रा पादुका खण्डमा टिपर दुर्घटना हुँदा १ जनाको मृत्यु भएको छ । 

दैलेखको दुल्लु नगरपालिकाको भे१ग ७७ नम्बरको टिपर सो नगरपालिकाको कार्यालयबाट वडा नं. ९ को कार्यालयतर्फ जाँदै गर्दा अनियन्त्रित भई दुर्घटना भएको हो । 

टिपर चालक  दुल्लु  ३ सियालाका धन बहादुर बुढाको उपचारको क्रममा दुल्लु अस्पतालमा निधन भएको छ भने टिपरमा सवार अन्य २ जना घाइतेको दुल्लु अस्पतालमा उपचार भइरहेको छ । घाइते हुनेमा दुल्लु २ का पूर्ण बहादुर थापा र दुल्लु ७ का नगेन्द्र रावत  रहेका छन् ।