गठबन्धनभित्रै साझा धारणा नबनेसम्म एमसीसीलाई अघि बढाउनुको कुनै औचित्य छैन : नेता गुरुङ
माओवादी केन्द्रका नेता देव गुरुङले अहिले गठबन्धनको सरकार भएकाले गठबन्धनभित्रै साझा धारणा नबनेसम्म एमसीसीलाई अघि बढाउनुको कुनै औचित्य नहुने तर्क गरेका छन् ।
बुधबार संसद भवन नयाँबानेश्वरमा सञ्चारकर्मीसँगग कुरा गर्दै नेता गुरुङले गठबन्धनभित्रै साझा धारणा नबनेसम्म एमसीसीलाई अघि बढाउनुको कुनै औचित्य नहुने बताएका हुन् । त्यस्तै उनले सरकारले लाने प्रस्तावमा गठबन्धन सरकारको सहमति हुनुपर्ने उनको भनाइ छ । त्यस्तै नेकपा एकीकृत समाजवादीका नेता जीवनराम श्रेष्ठले यथास्थीतिमा एमसीसी पारित गर्न नहुने धारणा कायमै रहेको बताए ।
उनले सदन अवरुद्ध रहिरहेका बेला सदनमा एमसीसीका विषयमा छलफल हुन नसक्ने धारणा राखे । उनले सदनलाई सूचारु गर्नुपर्ने र अन्य विषयहरुलाई अघि बढाउनुपर्ने जिकिर गरेका छन् ।
