नेपाली कांग्रेसको जारी १४औं महाधिवेशनअन्तर्गत सभापति पदको मतगणना जारी छ। गणनाको ताजा परिणाम सार्वजनिक भएको छ।

सभापति पदमा २५० मत गन्दा शेरबहादुर देउवाले १३२, शेखर कोइरालाले ८१, विमलेन्द्र निधिले १२, प्रकाशमान सिंहले २२ र कल्याण गुरुङले १ मत ल्याएका छन्। 

मंगलबार बिहान ४ बजेदेखि सभापतिको मतगणना सुरू गरिएको थियो। सुरूमा एक सय मत गन्दा देउवाले ५०, कोइरालाले ३४, निधिले ११, सिंहले ३ र गुरुङले १ मत ल्याएका थिए।

सभापतिबाहेक अन्य पदको मतगणना भने कांग्रेस केन्द्रीय कार्यालय सानेपामा गरिने छ।

महाधिवेशनमा ४ हजार ७ सय ४३ जना मतदातामध्ये ४ हजार ६ सय ७९ ले मत खसालेका छन्।