प्रधानन्यायाधीश चोलेन्द्र शमशेर जबरा अस्पताल भर्ना भएपछि आज (मंगलबार) कानुन व्यवसायी (वकिल)हरुले उनीविरुद्ध नाराबाजी लगाउन बन्द गरेका छन् ।

प्रन्या जबराको राजनीमा माग्दै निरन्तर विरोध तथा धर्ना गर्दै आएका उनीहरुले मंगलबार भने धर्ना तथा विरोध प्रदर्शन मात्रै गरेका हुन् । अरु दिन जबराको राजीनामा माग्दै नाराबाजी गर्दै आएका थिए, तर आज नाराबाजी भने गरिएन ।

मंगलबार कानुन व्यवसायीहरुले प्रन्या जबरालाई बरु अस्पताल परिसरबाटै राजीनामा दिएर आराम गर्न सुझाव दिएका छन् ।

कोरोना संक्रमण देखिएपछि प्रधानन्यायाधीश जबरा सोमबारदेखि बलम्बुस्थित सशस्त्र प्रहरी अस्पतालमा भर्ना भएका छन् । हाल उनको स्वास्थ्य अवस्था सामान्य रहेको जनाइएको छ ।