अमेरिकाको टेक्सासस्थित फोर्ट हुड सैन्य शिविरमा सन् २००९ मा १३ सैनिकको हत्या गरेका पूर्वसैनिक मेजर निदाल हसनलाई दिइने मृत्युदण्ड प्रत्यक्ष प्रसारण गर्ने तयारी गरिएको छ।

अमेरिकी रक्षामन्त्री पिट हेगसेथले फायरिङ स्क्वाडबाट मृत्युदण्ड दिइने र सर्वसाधारणले त्यसको दृश्य हेर्न पाउने बताएका छन्। अमेरिकी सेनाका सचिवका अनुसार मृत्युदण्ड आगामी डिसेम्बर ३ मा फोर्ट हुडमै दिने तयारी छ।

हसनले सन् २००९ नोभेम्बर ५ मा सैनिक स्वास्थ्य परीक्षण केन्द्रमा गोली चलाउँदा १३ जनाको मृत्यु भएको थियो भने अन्य घाइते भएका थिए। सन् २०१३ को सुनुवाइमा उनले गोली चलाएको स्वीकार गरेका थिए।

तर हसनको मुद्दामा पुनरावेदन प्रक्रिया बाँकी रहेकाले निर्धारित मितिमा मृत्युदण्ड कार्यान्वयन हुने निश्चित छैन। मृत्युदण्ड प्रत्यक्ष प्रसारण गर्ने निर्णयलाई केही कानुनविद्ले आलोचना गर्दै यसले न्यायिक प्रक्रियाभन्दा प्रचारलाई प्राथमिकता दिएको टिप्पणी गरेका छन्।