युरोपेली सङ्घ (इयू)ले इरानको रिभोलुसनरी गार्ड्सको नौसैनिक शाखा तथा हर्मोजगान प्रान्तीय कमान्डका प्रवक्ता मोहम्मद अकबरजादेहमाथि प्रतिबन्ध लगाएको छ।

इयूले अकबरजादेहलाई कालोसूचीमा राख्दै सम्पत्ति रोक्का र यात्रा प्रतिबन्ध लगाएको जनाएको छ। साथै, इरानको तेल निर्यातकर्ता युनियनका प्रतिनिधि हमिद होसेनीमाथि पनि सम्पत्ति रोक्का र भिसा प्रतिबन्ध लगाइएको छ।

इरान र अमेरिकाबीचको तनावका कारण प्रमुख जलमार्ग प्रभावित भई विश्व बजारमा असर परेको अवस्थामा इयूले यो कदम चालेको हो।

यसैबीच, मध्यपूर्वमा जारी द्वन्द्व समाप्त भएपछि हर्मुज क्षेत्रमा नौसैनिक मिसन पठाउने योजनामा फ्रान्स र बेलायतको नेतृत्वमा युरोपेली राष्ट्रहरू काम गरिरहेका छन्।

इयूकी उच्च कूटनीतिज्ञ Kaja Kallas ले ‘रेड सी’ क्षेत्रमा सक्रिय इयूको नौसैनिक मिसनले सम्भावित नयाँ सैन्य अभियानमा सहभागिता जनाउन सक्ने संकेत दिएकी छन्।