नेकपा एमालेले लम्पी स्किन रोगलाई महामारी घोषणा गर्न सरकारलाई दबाब दिँदै प्रदर्शन गरेको छ । एमाले काठमाडौँ महानगरपालिका कमिटीले बुधबार सो रोगलाई महामारी घोषणा गर्न र रोगबाट प्रभावित किसानलाई तत्काल क्षतिपूर्ति उपलव्ध गराउन माग गर्र्दै माइतीघर मण्डलामा प्रदर्शन गरेको हो ।

प्रदर्शनकारीहरुले सो रोगलाई महामारी घोषणा गरी रोग लागेका पशुहरुको उपचार, किसानलाई क्षतिपूर्ति, राहत र सहुलियत कर्जा उपलब्ध गराउन माग राखेका छन् । उनीहरुले आजै सरकारलाई  ज्ञापनपत्र बुझाउने तयारी गरेका छन् ।