काठमाडौं ।अर्थमन्त्री डा. प्रकाश शरण महतले किसानहरुको संरक्षण गर्न, उत्पादन बढाएर कृषिमाआत्मनिर्भर बनाउनआलु, प्याज, स्याउ जस्ता कृषिजन्य वस्तुमा मूल्यअभिवृद्धि कर (भ्याट) लगाइएको बताएका छन् । 
यसले स्वदेश भित्रका सानाकिसान संरक्षितहुने र आयातनिरुत्साहितहुने उनको तर्क छ । 
आगामीआर्थिक वर्षको बजेटमा उठेका प्रश्नहरुको संघीय संसद्माजवाफदिँदै अर्थमन्त्रीमहतले भने, ‘सँधै आयात गरेर देश आत्मनिर्भर कहिले बन्ने?आयातधेरै भयो भन्ने गुनासो सबैको छ । त्यसलाई कम गर्न आन्तरिक उत्पादन बढाउनुपर्छ । आन्तरिक उत्पादन बढाउन आयातितवस्तुमा कर लगाउनुपर्छ । आन्तरिक उत्पादनलाई बढाउने कर पनि एउटा उपायहो ।’
उनले ५० लाखभन्दाकम कारोबार गर्नेकिसानलाई कर नलाग्ने समेत स्पष्ट पारे । आयात गरेर त्यो भन्दा बढी कारोबार गर्नेलाई मात्रै कर लाग्ने पनिउनको भनाइथियो । 
चालु आर्थिक वर्षको १० महिनामामात्रै आलुको आयात ८ अर्ब ८२ करोड भएको छ । त्यस्तै प्याज ६ अर्ब १७ करोड र स्याउको ७ अर्ब १५ करोड भएको छ । विदेशीअनुदानप्राप्त वस्तुसँग स्वदेशीउत्पादनले प्रतिष्पर्धा गर्न नसकेको कारण यस्ता वस्तुको आयात हरेक वर्ष बढ्दै गएको देखिएको छ ।