काठमाडौं । एमालेले पार्टीको अधिकांश नेताका जिम्मेवारीमा व्यापक फेरबदल गरेको छ । नयाँ जिम्मेवारी अनुसार पार्टीको समग्र नेतृत्व गर्ने जिम्मेवारी अध्यक्ष केपी शर्मा ओलीले पाएका छन् भने, बरिष्ठ उपाध्यक्ष ईश्वर पोखरेलले नीति अनुसन्धान प्रतिष्ठानको जिम्मेवारीमा रहेका छन् । 
एमालेले जारी गरेको अन्तरपार्टी निर्देशिका(अपानि) अनुसार बरिष्ठ उपाध्यक्ष पोखरेलले नीति÷योजना सम्वद्ध विभागकोहरुको संयोजन गर्ने जिम्मेवारी पनि पाएका छन् । त्यस्तै, उपाध्यक्ष युवराज ज्ञावलीले प्रदेश र स्थानीय तहको समन्वय गर्ने जिम्मेवारी पाएका छ । त्योसँगै उनले मानवस्रोत सम्वद्ध विभागहरुको संयोजन पनि गर्नेछन् । अर्का उपाध्यक्ष अष्टलक्ष्मी शाक्यले राजनीतिक समन्वय गर्ने भुमिका पाएकी छिन् । सँगै उनले सामाजिक विकास सम्वद्ध विभागहरुको संयोजन पनि गर्नेछिन् ।   
अपानि अनुसार उपाध्यक्ष रामबहादुर थापा ‘बादल’ले कृषि तथा उद्यमशीलता सम्वद्ध विभागको संयोजन गर्नेछ । त्यसोसँगै उनले कुटनीतिक सम्वन्ध तथा राष्ट्रिय सुरक्षासँग सम्वद्ध निकायसँग पनि समन्वय गर्नेछन् । उपाध्यक्ष बिष्णु पौडेलले पार्टीको संगठनात्मक कामको अनुमगन गर्ने जिम्मेवारी पाएका छन् । त्यस्तै, उपाध्यक्ष सुवासचन्द्र नेम्वाङले सुशासन र सेवा प्रवाह सम्वद्ध विभागहरुको संयोजन गर्नेछन् भने अर्का उपाध्यक्ष सुरेन्द्र पाण्डेले पूर्वाधार तथा विकास सम्वद्ध विभागहरुको संयोजन गर्नेछन् ।
पार्टी महासचिव शंकर पोखरेलले पार्टीको संगठनात्मक कामको संयोजन गर्नेछन् । उपमहासचिव प्रदीप ज्ञवालीले स्कुल विभागको नेतृत्व गर्नेछन् भने अर्का उपमहासचिव पृथ्वीसुब्बा गुरुङले संसदीय विभाग प्रमुखको जिम्मेवारी निभाउने छन् । त्यस्तै, उपमहासचिव बिष्णु रिमालले निर्वाचन विभाग प्रमुखको जिम्मेवारी पाएका छन् । 
पार्टी सचिव लेखराज भट्ट कर्णाली प्रर्दश इन्चार्ज भएका छन् । त्यस्तै गोकर्ण बिष्ट गण्डकी, योगश भट्टराई मधेस प्रदेश, छविलाल विश्वकर्मा सुदुरपश्चिम प्रदेश, रघुवीर महासेठ कोशी प्रदेश र पद्माकुमारी अर्याल लुम्विनि प्रदेश इन्चार्ज भएकी छिन् । गत १९ जेठमा बसेको सचिवालय बैठकले पार्टी सम्वद्ध नेताहरुको जिम्मेवारीमा व्यापक फेरबदल गरेको हो ।