काठमाडौं । भौतिक पूर्वाधार तथा यातायात मन्त्री प्रकाश ज्वालाले वर्खाको महिनामा पनि काठमाडौं प्रवेश गर्ने मुख्य नाका सडकहरुमा समस्या नआउने बताएका छन् । 
शुक्रबार नागढुङ्गा सडक पूर्वाधार र नागढुङ्गा सुरुङमार्गको निर्माणको प्रगतिबारे अवलोकन गर्दै मन्त्री ज्वालाले सडकमा कुनै समस्या आउन नदिने प्रतिवद्धता पनि व्यक्त गरे । 
अवलोकन पछि उनले नागढुंगा सडक राजधानी जोड्ने मूल सडक भएकाले अहिसम्म भएका समस्यालाई समाधान गरेर कामलाई तीब्रता दिने प्रतिवद्धता जनाए । बर्खामा पनि सवारी साधनका आवात जावत नरोकिने गरी सुधार र मर्मतका काम सम्पन्न गर्ने पनि पनि उनको भनाइ थियो । 
उनले भने ‘ राजधानी जोड्ने मूल सडक हो यो । त्यस कारण अहिलेसम्म जति पछाडि परेता पनि । जेजे समस्या झेल्नुपरे पनि सबै समस्यालाई समाधान गरेर कामलाई तीब्रता दिने छौ । यसमा निर्माण व्यवसायीहरुले पनि काममा कञ्जुँस्याई गर्न भएन, उहाँहरुले कुनै वहानामा कामबाट भाग्न मिल्दैन् । हामी यसमा कडा छौं । बर्खामा पनि यातायात बन्द हुन नदिनको लागि सुधार र मर्मतका काम  र सवारी साधन सजह रुपमा आवात जावत नरोकिने गरी काम गछौं ।’
मन्त्री ज्वालाले जनताले भोगिरहेको समस्या पुनः दोहोरिन नदिने गरी काम गर्ने बताए ।