काठमाडौं । आज(सोमवार) कर्णाली र सुदूरपश्चिम प्रदेशसहित लुम्बिनी, गण्डकी, बागमती र कोशी प्रदेशका पहाडी भूभागमा आंशिकदेखि सामान्य बदली रहने सम्भावना छन् । 
बाँकी भूभागको मौसम भने सामान्यतया सफा रहने मौसम पूर्वानुमान महाशाखाले जनाएको छ । सुदूरपश्चिम, कर्णाली, गण्डकी र कोशी प्रदेशका पहाडी  भूभागका थोरै स्थानतथा लुम्बिनी र बागमती प्रदेशको पहाडी भूभागको एक–दुई स्थानमा मेघगर्जनसहित चट्याङ्ग पर्ने सम्भावना छ । उक्त स्थानमा हल्का वर्षाको समेत सम्भावना रहेको छ।
त्यस्तै, सोमवार राती सुदूरपश्चिम प्रदेशका साथै कर्णाली, गण्डकी  र कोशी प्रदेशका पहाडी भूभागमा आंशिक बदली  रहने छ । देशको बाँकी भूभागको मौसम भने सामान्यतया सफा रहनेछ। सुदूरपश्चिम, कर्णाली, गण्डकी र कोशी प्रदेशको पहाडी भू–भागका एक–दुई स्थानमा मेघगर्जनसहित चट्याङ्ग पर्ने सम्भावना रहेको छ । बाँकी भूभागमा हल्का वर्षाको सम्भावना रहेको छ।