काठमाडौं । महालेखापरीक्षकटंकमणि शर्माले पछिल्लो समय मुलुकमा आर्थिक शुशासन कायम गर्न नसकेको बताएका छन् । 
बुधबार काठमाडौंमा आयोजित नेपाल चार्टर्ड एकाउन्टेन्ट्सको कार्यक्रममा उनले सरकारी वा गैरसरकारी निकायहरुले अभिलेखहरु व्यवस्थित गर्न नसकेको बताए । 
‘सरकारी निकाय होस या गैरसरकारी निकाय जे कुराको पनि अभिलेखहरु व्यवस्थित छैन् । रेकडिंङ , रिपोर्टिङ,र लेखाजोखा केही पनि राम्रो छैन् । यो पाटोमा हामीले ध्यान दिन सकेका छैनौं । ’
उनले सबै निकायले आफ्नो आफ्नो संस्थाहरुको अभिलेखहरु व्यवस्थित गर्न आवश्यक भएको बताए । 
महालेखा परीक्षक शर्माले नीति नियम बनाउने देखि लिएर सबै कुरामा सम्पूर्ण निकायले ध्यान दिन आवश्यक भएको बताए । यसैको अभावले निर्णय लिन असहज भएको उनको भनाइ छ ।