हिन्दू धर्मको अस्तित्व रक्षा गर्न नेपाल र भारतसक्रिय हुनुपर्छ
जनकपुरधाम । विश्व हिन्दू परिषदका अन्तर्राष्ट्रिय महामन्त्री मिलिन्द पराण्डेले हिन्दू धर्मको अस्तित्व रक्षा गर्न नेपाल र भारतले मिलेर काम गर्नु पर्ने आवश्यकता औल्याएका छन् ।
मंगलबार जनकपुरधाममा आयोजित हिन्दू सामाजिक, सांस्कृतिक संगठन र समाज प्रतिको भुमिका विषयक अन्तरक्रियामा महामन्त्री पराण्डेले संसारमा नेपाल र भारत देशमा मात्र विशुद्ध हिन्दू धर्मावलम्बी बाँकी रहेको बताए ।
उनले भने ‘विश्वकल्याण, मानवता र प्रत्येक जीवजन्तुको बारेमा सोच्ने धर्म एकमात्र हिन्दू धर्म भएकोले सम्पूर्ण हिन्दु समाज एक जुट भएर हिन्दुत्वको रक्षा गर्नुपर्ने बताए । उनले सनातन धर्म रहे यो संसार रह्ने र सबैको कल्याण हुने धारणा समेत व्यक्त गरे । ’
कार्यक्रममा जनकपुरधाम उपमहानगरपालिकाका मेयर मनोज कुमार साहले जनकपुरधाम हिन्दू धर्मावलम्बीहरुको आस्थाको केन्द्र रहेकोलेजनकपुरधामलाई विश्वमा चिनाउन आफ्नो तर्फबाट प्रयास गर्ने प्रतिबद्धता व्यक्त गरे ।
कार्यक्रममा विभिन्न हिन्दू समाज, हिन्दू परिषद, संघ संस्थाका पदाधिकारी एवम हिन्दू धर्मावलम्बिहरुको उपस्थिति रहेको थियो ।
