आगामी चुनावमा नागरिक उन्मुक्तिले सातै प्रदेशमा वर्चश्व जमाउँछ
काठमाडौँ । नागरिक उन्मुक्ति पार्टीकी अध्यक्ष एवं भूमि व्यवस्था, सहकारी तथा गरिबी निवारण मन्त्री रञ्जीता श्रेष्ठ चौधरीले आगामी चुनावमा आफ्नो पार्टीले सातै प्रदेशमा वर्चस्व जमाउने दावी गरेकी छिन् ।
मंगलबार काठमाडौंमा आयोजित कार्यक्रममा उनले हाल नागरिक उन्मुक्ति पार्टीले ३ वटा प्रदेशमा आफनो वर्चस्व जमाएको र आगामी चुनावमा सातै प्रदेशमा वर्चस्व जमाउने दावी गरिन् ।
उनले भनिन, नागरिक उन्मुक्ति पार्र्टीले चुनावमा ३ वटा प्रदेशमा आफनो वर्चस्व जमाएको छ । यो पार्र्टी कमजोर छैन आगामी चुनावमा पार्र्टीले सातै प्रदेश मा वर्चस्व जमाउने छ ।
नागरिक उन्मुक्ति पार्टी कमजोर नभई दमनको विरुद्व निरन्तर आवाज उठाउने पार्र्टी भएको पनि मन्त्री श्रेष्ठको भनाइ छ ।
सुदूरपश्चिमवाट देशको वैकल्पिक शक्तिको रुपमा उदाएको पार्टी अहिले पूर्वसम्म फैलिएको भन्दै उनले २०७२ सालको टीकापुर घटनाबाट उत्पन्न परिस्थितिले आज नागरिक उन्मुक्ति पार्टीको जन्म भएको बताइन् ।
कार्यक्रममा अन्य दल छाडेर सदस्यता लिएका नवप्रवेशीलाई अविर र खादा लगाइदिई स्वागत गरिएको थियो । जनमत पार्टीकी रिता अर्याल, नेकपा एमालेका युवा संघका पूर्व केन्द्रीय सदस्य अञ्जन भट्ट ,पुष्पराज भण्डारी, पञ्च देवी मगर लगायतका राजनीतिकर्मी नागरिक उन्मुक्ति पार्टी प्रवेश गरेका छन् ।
