बिहीबार काठमाडौंबाट भैरहवाका लागि उडेको श्री एयरलाइन्सको विमानमा समस्या भएपछि नेपाल नागरिक उड्डयन प्राधिकरणले सो एयरलाइन्सलाई उडानमा लगाएको रोक शुक्रबार साँझ फुकुवा गरेको छ । 

नियमनकारी नियकाय प्राधिकरणले शुक्रबार दिनभर श्री एयरलाइन्सका सबै विमानको जाँच गरेको र सर्तसहित उडान अनुमति दिएको प्राधिकरणका प्रवक्ता जगन्नाथ निरौलाले जानकारी दिए । प्राधिकरणले उडानमा रोक लगाएपछि सो एयरलाइन्सका विमान शुक्रबार ग्राउन्डेड भएका थिए ।