कोरोनाको नियन्त्रण उपाय र सरकारले अपनाएको विधिहरु बारे भूगोलपार्क डट कमले अनलाइन मत सर्वेक्षण गर्दै
विश्वमा कोरोना भाइरस अर्थात् कोभिड(१९ बाट संक्रमित हुनेको संख्या ६ करोड नाघेको छ ।
विभिन्न तथ्याङ्क निकाल्ने संस्था वर्ल्डो मिटर्स डट इन्फोका अनुसार आइतबार बिहानसम्म विश्वभर कोरोना संक्रमितको संख्या ६२,५४२,७५६ पुगेको छ । कोरोना संक्रमणबाट मृत्यु हुनेको संख्या भने १,४५८,३०९ पुगेको छ ।
मृत्यु दर र सङ्क्रमित दर बढिरहेसँगै निको हुने दर पनि बढिरहेको छ । अहिलेसम्म कुल सङ्क्रमितमध्ये ४३,१९४,०५९ जना भने उपचारपछि घर फर्किएका छन् ।
पछिल्लो २४ घण्टामा मात्रै विश्वभर १८,३६१ नयाँ संक्रमित भेटिएका छन् भने ७७१ जनाको मृत्यु भएको छ ।
कोरोनाको उद्गम स्थल चीन भए तापनि कोरोना संक्रमणबाट सबैभन्दा बढी मृत्यु हुनेमा अमेरिका पर्छ । अहिलेसम्म अमेरिकामा २,७२,२५४ जनाको मृत्यु भइसकेको छ । संक्रमितको संख्या भने १३,६१०,३५७ पुगेको छ ।संक्रमितमध्ये ८,०४१,२३९ पूर्णरूपमा निको भइसकेका छन् । अहिले त्यहाँ ५,२९६,८६४ बढीमा कोरोनाको सक्रिय रहेको छ । संक्रमितमध्ये २४,६४७ जनाको अवस्था गम्भीर रहेको छ ।
छिमेकी मुलुक भारत अहिले एसियाकै महामारी केन्द्र बनिरहेको छ । एसियाली देशहरूमा सबैभन्दा बढी कोरोना भाइरसक संक्रमितहरू भारतमै फेला परेका छन् । अहिलेसम्म भारतमा ९,३९३,०३९ बढी संक्रमित भएका छन् । कोरोनाका कारण १,३६,७३३ जनाको ज्यान गएको छ । संक्रमितमध्ये ८,८०२,२६७ बढी पूर्ण रूपमा निको भएका छन् । अहिले त्यहाँ ४,५४,०३९ बढीमा कोरोना सक्रिय रहेको छ । अहिले त्यहाँ ८,९४४ जनाको अवस्था गम्भीर रहेको छ ।
अमेरिका र भारतपछि सबैभन्दा बढी संक्रमित हुनेमा ब्राजिल पर्छ । अहिलेसम्म त्यहाँ कोरोनाबाट संक्रमित हुनेको संख्या ६,२९०,२७२ पुगेको छ भने कोरोनाका कारण मृत्यु हुेको संख्या १,७२,६३७ पुगेको छ ।संक्रमितमध्ये ५,५६२,५३९ पूर्णरूपमा निको भएका छन् । अहिले त्यहाँ ५,५५,०९६ हजार बढीको कोरोना सक्रिय रहेको छ । तीमध्ये ८,३१८ को अवस्था गम्भीर रहेको छ ।
नेपालमा पछिल्लो समय कोरोना संक्रमितको संख्या द्रुत गतिमा बढिरहेको छ । हालसम्म कोरोनाका कारण मृत्यु हुनेको संख्या १४०० नाघेको छ । संक्रमित र मृत्युको संख्या बढेसँगै कोरोना नियन्त्रण सरकारको लागी पनि चुनौती बनिरहेको छ ।
विश्व नै यस माहामारी बिच घुडाँ टेकिरहेको र विभिन्न राष्ट्रहरुले यस विरुद्ध खोप परिक्षण गरी चाँडो भन्दा चाँडो सबैलाई उपलब्ध गराउन खोज्दा नेपालमा पनि यसको प्रतिक्षा छ ।
माहामारी सुरु भएको झन्डै एक वर्ष वित्न लाग्दा पनि कतिपय मानिस यसलाई गम्भिर रुपमा लिइराखेका छैनन् भने कतिपय यसलाई मृत्युको संकेत ठानिरहेका छन् । नेपाल सरकारले कोरोना विरुद्ध केहि निर्णयहरु सबैलाई चित्त बुझिरहेको छैन ।
यहि विषयमा नेपालको पहिलो र एकमात्र मत सर्वेक्षण संस्था भूगोलपार्क डट कमले मत सर्वेक्षण सुरु गरेको छ । यस संस्थाले नेपालमा हालसम्म १७ वटा राष्ट्रिय एजेन्डामा मत सर्वेक्षणहरु सञ्चालन गरिसकेको छ । भूगोल पार्कले अद्धितीय वैज्ञानिक एल्गोरिदम फर्मुलाको माध्यमबाट डेटाको नतिजा गणना गर्दछ । मत सर्वेक्षणमा १ शीर्षक र डेमोग्राफिक्समा ५ प्रशनहरु छन् ।
यी प्रश्नहरुले बढ्दै गईरहेको जाडोमा कोरोना नियन्त्रणको विकल्पहरु र थप कस्तो सुरक्षाहरु अपनाउनु पर्छ भन्ने कुरा समेटेका छन् ।
मतदान गर्नको लागी :
