(पेरिस) फ्रान्समा कोरोना भाइरस(कोभिड–१९)  बाट संक्रमित भएर सघन उपचार कक्ष(आईसीयू) मा उपचाररतमध्ये आधाभन्दा बढी ६० वर्षमुनिका व्यक्ति रहेको त्यहाँका अधिकारीले जानकारी दिएका छन् । 

कोरोना भाइरसकाे स‌ंक्रमण बढ्दै गएसँगै निस सहरमा बन्द गरिएको रेस्टुरेन्टमा खप्ट्याएर राखिएका कुर्सीहरु तस्बिर : रोयटर्स

फ्रान्समा ३ सय भन्दा बढी संक्रमित आईसीयूमा उपचाररत रहेको र त्यसको आधाभन्दा बढी ६० वर्षमुनिका व्यक्ति रहेको फ्रान्सेली राष्ट्रिय स्वास्थ्य विभागका महानिर्देशक जेरोमी सालोमोनले जानकारी दिए । ‘हामीले आज रातिसम्म आईसीयूमा ३ सय भन्दा बढी गम्भीर बिरामी रहेको थाहा पाएका छौँ । हामीकहाँ गम्भीरमध्ये ५० प्रतिशतभन्दा बढी प्रौढ रहेका छन् । उनीहरु ६० वर्षभन्दा मुनिका रहेका छन्,’ पत्रकार सम्मेलनमा महानिर्देशक सालोमोनले बताए । तर आईसीयूमा रहेका बिरामी ६० वर्षमुनिका भएका बताए पनि महानिर्देशक सालोमोनले कति कति वर्ष भन्नेचाहिँ खुलाएनन् ।