उद्योग, वाणिज्य तथा आपूर्तिमन्त्री दीपककुमार साह र नेपालका लागि भारतीय राजदूत सुधाकर दलेलाबीच शिष्टाचार भेटवार्ता भएको छ ।

सोमबार सिंहदरबारस्थित मन्त्रालयमा भएको भेटमा नेपाल–भारतबीचको द्विपक्षीय व्यापार तथा आर्थिक सम्बन्धलाई थप सुदृढ र विस्तार गर्ने विषयमा छलफल भएको हो ।

मन्त्री साहको सचिवालयका अनुसार भेटका क्रममा दुई देशबीचको व्यापारिक सहकार्य, आर्थिक सम्बन्धका विविध पक्ष तथा आपसी सहयोगलाई थप प्रभावकारी बनाउने विषयमा विचार आदानप्रदान भएको थियो ।

भेटमा नेपाल र भारतबीच विद्यमान आर्थिक तथा व्यापारिक सम्बन्धलाई थप मजबुत बनाउने विषयमा समेत जोड दिइएको जनाइएको छ ।