हरिकृष्ण विष्टले जिते दुवईमा आयोजित वेलम्यान समर रन २०२३ को उपाधि
काठमाडौं । संयुक्त अरब इमिरेट्सको दुवईमा आयोजना भएको वेलम्यान समर रन २०२३ को उपाधि नेपालका हरिकृष्ण बिष्टले जितेका छन् ।
दुवइ स्पोर्टस् काउन्सिलको सहकार्यमा अल बारारीमा भएको दौडमा तेक्वान्दोका प्रशिक्षक समेत रहेका बिष्टले १० कि.मि. दौडमा विभिन्न राष्ट्रका सहभागीलाई पछाडि पार्दै उपाधि जितेका हुन् ।
रोजगारीका सिलसिलामा विगत ७ बर्ष देखि दुवईमा रहेको सेनाका अवकास प्राप्त बिष्टले यस अघि पनि विभिन्न दौडमा सहभागिता जनाउनुका साथै विभिन्न पदक प्राप्त गर्न सफल भईसकेका छन् ।
