काठमाडौं । नेपाली कांग्रेसका सांसद तथा पूर्वअर्थमन्त्री ज्ञानेन्द्रबहादुर कार्कीले तत्काली केपी शर्मा ओली सरकारले कोभिड नियन्त्रण र विकास निर्माणमा असफल भएको टिप्पणी गरेका छन् ।
सोमबार प्रतिनिधिसभाको बैठकमा आगामी आर्थिक वर्ष २०८०÷०८१ को बजेटमाथिको छलफलमा भाग लिँदै उनले शेरबहादुर देउवाको तत्कालीन सरकारले कोभिड नियन्त्रणलाई सरकारको प्राथमिकतामा राखेर महत्वपूर्ण भूमिका निर्वाह गरेको जिकिर गरे । 
उनले भने ‘कोरोनाको समयमा ओली सरकारले कसरी काम ग¥यो, त्यसमा फेरि विवेचना गरौंला । तर, कोरोना महामारीलाई नियन्त्रण गर्न ओली सरकार जसरी असफल भयो त्यसैगरी विकास निर्माणका लागि पनि असफल भयो । कोरोनाको समयमा शेरबहादुर देउवाजीले सफलता हात पार्दै गर्दा मुलुकको लक्षित जनसंख्याको पहिलो डोज लिने ११ प्रतिशत थिए । दोस्रो डोज लिने ४.७ प्रतिशत थिए । त्यस बेला सरकारको प्राथमिकतामा शेरबहादुर देउवाले खोप, खोप, खोप भनेर उच्चारण गर्नु भएको थियो ।’
उनले नारा र भाषणले जनताको समस्या समाधान नहुने भन्दै कृषिको विकास लागि सरकारले ध्यान दिनुपर्ने बताए ।