(काठमाडौं) प्रमुख विपक्षी नेपाली कांग्रेसले डडेल्धुरामा आमरण अनशनरत डा. गोविन्द केसीसँग तत्काल वार्ता गर्न सरकारलाई आग्रह गरेको छ ।

मंगलबार पार्टी कार्यालय सानेपामा आयोजित पत्रकार सम्मेलनमा कांग्रेस प्रवक्ता विश्वप्रकाश शर्माले डा. केसीसँग वार्ता गरेर उनका जायज मागहरु पुरा गर्न आग्रह गरे । ‘डा. केसीको जीवन लक्षाका लागि तत्काल बार्ता टोली गठन गरेर जायज माग पूरा गर्ने अग्रसरता सराकारले लेओस् भन्नी अपिल र आग्रह गर्न चाहन्छौं’, उनले भने ।

सातबुँदे माग राखेर डा. केसी ८ दिनदेखि डडेल्धुरामा अनशनरत छन् । उनको स्वास्थ्य अवस्था गम्भीर भइसकेको छ । तर सरकारले वार्ताको प्रयास गरेको छैन ।