बैतडी  १४ श्रावण । बैतडी जिल्लाको पन्चेश्वर गाउँपालिकामा लामो  समयपछि सडक सन्जालसंग जोडिएको छ । गाउँपालिकाका ६ वटै वडाहरुमा सडक सन्जालसंग जोडिएपछि त्यस भेगका बासिन्दाहरुलाई दैनिक उपभोग्य सामान खरिद बिक्री गर्न सहज र सजिलो भएको छ।  स्थानीय सरकारले सडकलाई नै पहिलो प्राथामिकता दिएर पन्चेश्वर गाउँपालिकाका छ वटै वडाहरुमा सडक छोएको हो ।

गाउँपालिकाका पन्चेश्वर,महाकाली,कुलाउ,आमचौरा,रोडिदेवल,गिरेगडा वडाहरुलाई सडक सन्जालसंग जोडिएका हुन। पन्चेश्वर गाउँपालिकालाई सडकले नछोएका हुदाँ यस भेगका बासिन्दाहरु दैनिक उपभोग्य सामान खरिद  तथा बिक्री गर्न भारतको लुहाघाट,चम्पावत,पिथौरागढ,कुमाउ,गडवाल  सम्म धाउने गर्दथे  ।

बर्षादको समयमा पनि महाकाली नदीमा डुङगाको भरबाट पन्चेश्वर बासीहरु जोखीमपुर्ण यात्रा गरेर आफुलाई चाहिने दैनिक उपभोग्य सामानहरु नुन,तेल,लगायत दैनिक उपभोग्य सामान ल्याउन’ पर्ने  वाध्यता थियो ।  गाउँघरमै  सडक आएपछि बासीन्दाहरु खुसियाली छाउनका साथै दैनिक सामान खरिद बिक्री गर्न सजिलो भएको छ।

पन्चेश्वर गाउँपालिकामा लामो समयपछि सडक सन्जालसंग जोडिदा  स्थानियहरुमा खुसियाली छाउनका साथै दैनिक सामान खरिद बिक्री गर्न सजिलो भएको छ।