काठमाण्डौ   । कञ्चनपुरको भीमदत्त नगरपालिका वडा न १७ स्थित  महाकाली बाल विद्यालयका शिक्षकको कुटाइबाट घाइते  हुनु भएका  एक विद्यार्थीको मृत्यु भएको छ । गत असार १३ गते शिक्षकको कुटाइबाट घाइते भएका कक्षा–९ मा अध्ययनरत छात्र माधव कलौनीको उपचारका क्रममा भारतको भोजीपुरा अस्पतालमा मृत्यु भएको  कञ्चनपुर जिल्ला प्रहरी कार्यालयका प्रहरी निरीक्षक कृष्णनन्द भट्टले जानकारी दिनु छ ।

 सो घटनाबारे विद्यार्थीका अभिभावकका तर्फबाट चार शिक्षकविरुद्ध ज्यान मार्ने उद्योगमा जाहेरी आएको   समेत बताएको छ  । प्रहरी निरीक्षक भट्टले अन’सार  “तेती बेला अभिभावक र शिक्षकबीच पहिले घाइतेको उपचार गराउने सहमति भएको थियो ।

प्रहरीले सुरक्षा र घटनाबारे अनुसन्धानका लागि भन्दै विद्यालयका प्रधानाध्यापकसहित चार शिक्षकलाई मङ्गलबार राति नै नियन्त्रणमा लिएको जनाएको छ । “शव भारतबाट आइसकेपछि  परीक्षणलगायतका प्रक्रिया अघि बढिरहेको बताएको छ  ।

प्रहरीले प्रधानाध्यापक यशोदा जोशी तथा शिक्षक लक्ष्मण भट्ट, दुर्गादत्त पाठक र हर्क जाग्रीलाई नियन्त्रणमा लिईसकेको  जनाएको छ  । मृतक विद्यार्थीका अभिभावकले भने प्रधानाध्यापकसहित चारै शिक्षकले कुटपिट गरी घाइते बनाएको दाबि गरेका छन।कुटपिटबाट छात्र माधवको छाती, टाउकोमा चोट लाग्नुका साथै दायाँ खुट्टा  समेत भाँचिएको थियो ।