सशस्त्र प्रहरी बल पर्साले भारतबाट भन्सार छली नेपाल भित्र्याइँदै गरेका १५ लाख २८ हजार ४२० रुपैयाँ बराबरका सामान बरामद गरेको छ।

वीरगञ्ज महानगरपालिका–१६ को भुटनदेवी मन्दिर र इनर्वा सीमा क्षेत्र तथा जगरनाथपुर गाउँपालिका–२ लक्ष्मीपुरचोकबाट औषधि, तरकारी, मोटरसाइकल, कपडा र जुत्तालगायत सामान बरामद गरिएको हो।

बरामद सामान आवश्यक कारबाहीका लागि वीरगञ्ज भन्सार कार्यालयमा बुझाइएको सशस्त्र प्रहरीले जनाएको छ।