काठमाडौं — प्रतिनिधि सभाको बैठकमा बोल्ने समय नदिएको भन्दै श्रम संस्कृति पार्टीका सांसदहरूले नाराबाजी गर्दै तीव्र विरोध जनाएका छन्।

बैठकमा सभामुख डोलप्रसाद अर्याल ले बोल्ने सूचीमा नाम समावेश नभएकाले सम्बोधनको अवसर दिन नसकेको बताएपछि असन्तुष्ट पक्षले सदनमै अवरोध गरेका हुन्।

श्रम संस्कृति पार्टीका अध्यक्ष हर्क साम्पाङ ले आफूहरूको पार्टीमाथि विभेद गरिएको आरोप लगाउँदै सभामुखको भूमिकामाथि प्रश्न उठाएका छन्। उनी सदनभित्रै उठेर विरोध जनाउँदै बैठक अवरुद्ध गरेका थिए।

सभामुख अर्यालले आफूले नियमअनुसार बोल्ने सूचीका आधारमा मात्र समय दिन सक्ने स्पष्ट पार्दै स्पष्टीकरण दिए पनि आन्दोलनरत सांसदहरूले त्यसलाई अस्वीकार गरेका छन्।

अध्यक्ष साम्पाङले आफ्नो पार्टीमाथि संसद्भित्रै निरन्तर विभेद भइरहेको दाबी गर्दै “निरङ्कुशतन्त्र बन्द गर”, “विभेद गर्न पाइँदैन” र “बोल्ने अधिकार दे” जस्ता नारासहित विरोध जारी राखेका छन्।

स्थिति तनावपूर्ण बनेपछि बैठक केहीबेर अवरुद्ध भएको थियो भने संसद् परिसरमा सुरक्षा सतर्कता समेत बढाइएको छ।