राष्ट्रिय स्वतन्त्र पार्टीको केन्द्रीय सचिवालय बैठक पार्टी केन्द्रीय कार्यालयमा सुरु भएको छ। बैठकमा आगामी राष्ट्रिय महाधिवेशनको तयारी र पार्टीको आन्तरिक नीतिबारे गहन छलफल भइरहेको छ।

पार्टी प्रवक्ता मनिष झाका अनुसार बैठक मुख्य रूपमा यही असार ७ गतेदेखि चितवनमा हुने महाधिवेशनको व्यवस्थापनमा केन्द्रित छ। प्रतिनिधि छनोट, कार्यतालिका र तयारीबारे समीक्षा भइरहेको छ।

त्यसैगरी महाधिवेशनमा प्रस्तुत हुने ‘विधान मस्यौदा’ र पार्टीको भावी संगठनात्मक संरचनाबारे पनि विस्तृत छलफल भइरहेको पार्टी स्रोतले जनाएको छ। चितवन महाधिवेशनलाई भव्य र व्यवस्थित बनाउन सबै संयन्त्र परिचालन गरिएको छ।