काठमाडौं, असार १

कीर्तिपुरस्थित होल्डिङ सेन्टरमा बसोबास गर्दै आएका सुकुम्बासी बस्तीका नागरिकहरू खानेकुराको व्यवस्था नभएको भन्दै आन्दोलित भएका छन्।

आन्दोलनरत बासिन्दाहरूका अनुसार पर्याप्त खाना नहुँदा बालबालिका समेत प्रभावित भएका छन्। विद्यालय जाने उमेरका केटाकेटीहरू भोकका कारण विद्यालय जानबाट रोकिएको उनीहरूको भनाइ छ।

असहज अवस्था लामो समयदेखि कायम रहेकाले तत्काल राहत र आधारभूत व्यवस्थापनको माग गर्दै उनीहरूले सम्बन्धित निकायसँग ध्यानाकर्षण गराएका छन्।