काठमाडौं, २१ कात्तिक – बुटवल पावर कम्पनी (बीपीसी) मा ६० प्रतिशत सेयरधारक अरुण काबेलीले आफ्ना सेयर बिक्री गरेर कम्पनी पूर्णरूपमा बाहिरिने तयारी गरेका छन्।

काबेलीले आफ्ना ४० प्रतिशत संस्थागत सेयर बिक्री गर्न काबेली इनर्जी लिमिटेडसँग सम्झौता गरिसकेका छन्। वैधानिक प्रक्रिया पूरा गर्न कम्पनीले आज विशेष साधारणसभा बोलाएको छ।

गत वर्ष उनले हकप्रद सेयर जारी गरेर काबेली इनर्जीमा १ अर्ब २० करोड रुपैयाँ बराबर लगानी गरेका थिए। यस वर्ष पुन: हकप्रद सेयर जारी गरी जम्मा हुने रकमले बीपीसीको ६० प्रतिशत सेयर खरिद गर्ने योजना बनाइएको छ।

बीपीसीमाथि परियोजना निर्माणभन्दा सेयर खरिद–बिक्रीमा बढी सक्रिय रहने आरोप पनि लाग्दै आएको छ। यो कदमसँगै काबेली इनर्जीको सेयर पनि बिक्री हुने छ।