काठमाडौँ जिल्लामा नेपाली कांग्रेसको  भ्रातृ संस्था नेपाल विद्यार्थी सङ्घ (नेविसङ्घ) मा  अध्यक्षको  जिम्मेवारी मनिष डङ्गोललाई दिएको छ । 

 आगामी तीन महिनाभित्र नेविसङ्घको जिल्ला अधिवेशन सम्पन्न गर्नका लागि नेविसङ्घका केन्द्रीय अध्यक्ष दुजाङ शेर्पाले शनिबार डङ्गोललाई जिम्मेवारी प्रदान गरेका हुन् ।

अध्यक्ष शेर्पाले नेविसङ्घ काठमाडौँको रिक्त अध्यक्ष पदमा सङ्घको विधान २०२७ को छैटौँ संशोधन २०७५ बमोजिम तीन महिनाभित्र जिल्ला अधिवेशन सम्पन्न गर्ने गरी डङ्गोललाई अध्यक्षको जिम्मेवारी दिएका हुन् । नेविसङ्घको विधि, विधान र मर्यादाभित्र रहेर सङ्घलाई गतिशील बनाउने विश्वास सङ्घले लिएको छ ।