चिनियाँ विदेशमन्त्री यही चैत्र ११ गते नेपाल आउने भएका छन् । नेपालको औपचारिक भ्रमणका लागि विदेशमन्त्री वाङ यी आउने तय भएको परराष्ट्र मन्त्रालयले जनाएको छ ।

परराष्ट्रमन्त्री नारायण खड्काको निमन्त्रणमा वाङ नेपाल आउन लागेका हुन् । उनले नेपालमा राष्ट्रपति विद्यादेवी भण्डारी र प्रधानमन्त्री शेरबहादुर देउवासँग शिष्टाचार भेट गर्ने र परराष्ट्रमन्त्री खड्कासँग दुई पक्षीय भेटवार्ताको गर्ने कार्यक्रम तय भइसकेको मन्त्रालय स्रोतले जनाएको छ ।

नेपालसँगको सम्बन्ध थप मजबुत बनाउने र अनुदान सहायता बढाउने उद्देश्यले वाङ नेपाल आउन लागेको बताइएको छ । पछिल्लो समय अमेरिक सहयोग परियोजना एमसीसी संसदबाटा पारित भइसकेको अवस्थामा चीनले पनि अनुदान सहायता तथा राजनीतिक प्रभाव बढाउन खोजेको देखिन्छ ।