काठमाडौं । नेपाली बजारमा साताको कारोबारको अन्तिम दिन सुनको मूल्यमा सामान्य गिरावट आएको छ । बिहीबार तोलामा ९४ हजार ५०० रुपैयाँमा कारोबार भएको छापावाल सुनको मूल्य शुक्रबार ९४ हजार ३०० रुपैयाँमा कारोबार भएको हो ।

गत आइतबार तोलामा ९३ हजार रुपैयाँमा कारोबार भएको छापावाल सुन शुक्रबारसम्म घटबढ हुँदै ९४ हजार ३०० रुपैयाँमा कारोबार भएको हो । यस्तै तेजावी सुन तोलामा ९३ हजार ८०० रुपैयाँमा कारोबार भएको छ । 

यस्तै आज चाँदीको मूल्य भने स्थिर रहेको छ। बिहीबार तोलामा ११७५ रुपैयाँ प्रतितोलाका दरले कारोबार भएको चाँदी आज पनि सोही मूल्यमा कारोबार भएको हो।