विश्वभर कोरोना भाइरस (कोभिड–१९) को कारण प्रत्येक २४ घण्टामा औसतमा पाँच हजार नौ सयजनाको मृत्यु हुने गरेको छ । अन्तर्राष्ट्रिय समाचार संस्था रोयटर्सले पछिल्लो दुई साताको तथ्यांकलाई आधार मानेर यो तथ्यांक निकालेको हो । यसको अर्थ औसतमा एक घण्टामा २४६ जनाको कोरोना भाइरसको कारण मृत्यु हुन्छ । अर्थात् प्रत्येक १५ सेकेण्डमा एक जनाको कोरोना भाइरसको कारण मृत्यु हुने गरेको छ ।

विश्वभर कोरोना भाइरसको कारण मृत्यु हुनेको संख्या सात लाख नाघेको छ । जोन्स हप्किन्स युनिभर्सिटीको तथ्यांक अनुसार अहिलेसम्म विश्वभर कोरोना भाइरसको कारण सात लाख ६८३ जनाको कोरोना भाइरसको कारण मृत्यु भइसकेको छ । सबैभन्दा बढी अमेरिकामा एक लाख ५६ हजारभन्दा धेरेको मृत्यु भइसकेको छ भने ब्राजिलमा कोरोना भाइरसबाट मृत्यु हुनेको संख्या ९५ हजार नाघेको छ । मेक्सिकोमा पनि ४८ हजारभन्दा धेरैको मृत्यु भइसकेको छ ।