(बारा) बाराको एक मात्र जिल्ला अस्पतालकोरुपमा रहेको कलैया अस्पतालमा १ जना चिकित्सकसहित १० जनामा कोरोनाको संक्रमण पुष्टि भएको छ ।

संक्रमित हुनेहरुमा १ जना चिकित्सक, २ जना नर्स, २ जना स्वीपर, १ जना फार्मेसी, १ जना एक्सरे र बाँकी ३ जना अन्य रहेको अस्पतालका प्रमुख डाक्टर बीरेन्द्र मण्डलले जानकारी दिनुभयो ।

७४ जनाको रिपोर्ट आएकोमा १० जना संक्रमित भएका छन् भने २० जनाको रिपोर्ट आउन बाकी रहेको प्रमुख मण्डलले बताउनु भयो । साउन २० गते ९४ जनाको स्याव संकलन गरी वीरगञ्जमा परीक्षण गराएकोमा उनीहरुमा संक्रमणको पुष्टि भएको अस्पताल स्रोतले जनाएको छ ।

यसैबीच प्रमुख जिल्ला अधिकारी रुद्र प्रसाद पण्डितले संक्रमण बढदै गएको हुँदा सचेत र संवेदनशील हुन जिल्लावासीमा आग्रह गर्नुभएको छ ।