(काठमाडौं) अन्तर्राष्ट्रिय बाघ दिवसका अवसरमा प्रधामन्त्री केपी शर्मा ओलीले एक भिडियो सन्देश मार्फत सबैलाई शुभकामना व्यक्त गर्नुभएको छ । बाघलाई मात्रै बचाउन सके अरु धेरै प्रजातिलाई स्वतः बचाउन सकिन्छ भन्ने मान्यता रहँदै आएको भन्दै प्रधानमन्त्री ओलीले बाघ संरक्षणका लागि सबैमा हार्दिक शुभ(कामना शुभकामना व्यक्त गर्नुभएको हो ।

बाघको संख्या बढ्दै गर्दा बाघसँग द्वन्द्व बढ्न सक्ने सम्भावनालाई नकार्न नसकिने बताउदै उहाँले त्यसका लागि सकेसम्म बाघ र स्थानीय समुदाय बीच द्वन्द्व नहुने गरी बाघ पाइने राष्ट्रिय निकुन्जको व्यवस्थापन गर्नुपर्ने हुन्छ ।

प्रधानमन्त्री ओलीले राज्यले वन्यजन्तुबाट पीडित परिवारलाई दिइने राहत रकमलाई समय सापेक्ष रुपमा वृद्धि गर्नेछ, राहत वितरण प्रक्रियालाई सरलीकृत गर्नेछ । द्वन्द्व पीडित परिवारलाई लक्षित गरी संरक्षणका कार्यक्रम संचालन गर्नका लागि सम्बन्धित सबै पक्षलाई आव्हान समेत गर्नुभएको छ ।